Il-Victoria Lines

Il-Mixja tal-Victoria Lines hija mogħdija ta’ 12-il kilometru li taqsam il-gżira mill-Madliena sa Fomm ir-Riħ. Matul l-okkupazzjoni Ingliża, inbnew diversi fortifikazzjonijiet u installazzjonijiet militari tul din ir-rotta, inkluż il-ħajt tal-ġebel innifsu, li nbena wkoll mill-Ingliżi. Ambjent Malta hija nvoluta b’mod attiv fl-immaniġjar ta’ din il-mixja fejn jitwettqu interventi regolari ta’ tindif matul is-sena u jiġi mmaniġjat it-tirqim u l-iżbir fl-istaġun tax-xitwa. Barra minn hekk, Ambjent Malta hija wkoll impenjata li żżomm is-sinjali direzzjonali u l-markaturi tal-mixja sabiex tittejjeb l-esperjenza tul ir-rotta.